دندشة مصرية منتدى اخبارى يهتم بالرياضة والاخبار العربية والعالمية واجمل الصور الجميلة المجانية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 اوعى تقعد مع جدتك ليله امتحان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: اوعى تقعد مع جدتك ليله امتحان   الجمعة ديسمبر 10, 2010 2:01 pm

الله أكبر الله أكبر..أذان الظهر..


يارب.. يارب بحق ده الآدان تنجح يا ميدو يابن ابنى وأشوفك دكتور أد الدنيا -


ياتيتة بس أنا فى تجارة-



وماله يابنى هو يكتر على ربنا...... ده ربنا قادر على كل شئ -


ياتيتة ونعم بالله بس اللى بيطلع دكتور لازم يكون فى كلية الطب مش التجارة-


ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-



ياتيتة التجارة اللى فى الوكالة حاجة واللى فى الكلية حاجة تانية-



ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-



جدى إيه اللى هايخدنى معاه .....ده جدى مات من زمان ياستى-



يامصيبتى عبد الواحد مات..ياحبيبى ياأخويا..مكنش يومك ياسبعى-



ياتيتة ده ميت من تلتين سنة-



تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة



ياتيتة حرااام عليكى عايز أذاكر بقى-


يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-



ياتيتة دبلون إيه..أسمه البكالوريوس-



أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-



خلاص دبلوم دبلوم ياتيتة ..سيبينى بقى عشان أذاكر -



-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان



ياتيتة عبير دى معاها أعدادية-



-وماله يابنى ...الراجل مايعبهوش إلا جيبه



راجل ...راجل مين ياتيتة...عبير دى بنت -



-عبير ...عبير مين ياوله..أنته بتعرف بنات من ورانا



لا إله إلا الله....أبوس رجلك ياتيتة أرحمينى بقه -



-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى



-ياتيتة خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات



صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-



حرااااااااااااا ااااااااااااااا اااااام ............تيتة ماتطلعى البلكونة شويه ...ده الهوا حلو بره -




لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-



خلاص روحى المطبخ ...أهو زمان أمى خلصت الرز-



رز...رزإيه يابنى....هوأنا ليه سنان للمكرونه...أناهطلع البلكونه أحسن-



طب أبقى خلى بالك م الهوى ياتيتة-



هوى لما يلطشك يا بت يا جذمه انتى-



الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة

قبل ما أكتب أهم حاجة فيها


ياترى أنا كان إسمى إيه؟؟ ياترى كان إسمى إيه؟؟
انا مين انا ليييييييه انا ازااااااى

الرجوع الى أعلى الصفحة اذهب الى الأسفل
سالى
نجم مبتدئ
نجم  مبتدئ


الماعز
عدد المساهمات : 15
نقاط : 21
احترام القوانين : 10
تاريخ التسجيل : 13/01/2010
العمر : 25

مُساهمةموضوع: رد: اوعى تقعد مع جدتك ليله امتحان   السبت ديسمبر 18, 2010 10:43 am

هههههههههههههههههههههههههه موضوع جميل اوى تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: اوعى تقعد مع جدتك ليله امتحان   السبت ديسمبر 18, 2010 12:27 pm

ميرسى على مرورك
الرجوع الى أعلى الصفحة اذهب الى الأسفل
Girl Kor3
المراقبين
المراقبين


انثى
الثور
عدد المساهمات : 923
نقاط : 1307
احترام القوانين : 3
تاريخ التسجيل : 28/08/2009
العمر : 18

مُساهمةموضوع: رد: اوعى تقعد مع جدتك ليله امتحان   الخميس يونيو 16, 2011 8:57 pm

ههههههههههههههههههههههه الله يكون فى عونه الولد ده

تسلمى ياقمر


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اوعى تقعد مع جدتك ليله امتحان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دندشة مصرية :: استراحه الفرسان Break :: استراحه دندشة :: نكات 2012 نكت جديدة نكت قوية نكات حلوة 2012-
انتقل الى: