دندشة مصرية منتدى اخبارى يهتم بالرياضة والاخبار العربية والعالمية واجمل الصور الجميلة المجانية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 يوميات الاهلى فى الدورى الانجليزى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير المؤسس
المدير المؤسس


ذكر
الحصان
عدد المساهمات : 6050
نقاط : 25371
احترام القوانين : 29
تاريخ التسجيل : 25/08/2009
العمر : 26
العمل/الترفيه : مصمم ومبرمج

مُساهمةموضوع: يوميات الاهلى فى الدورى الانجليزى   الإثنين أكتوبر 05, 2009 6:23 am


احكي لكم القصة من الأول


بدأ الموضوع وأنا كنت في انجلترا كنت رايح اعمل شوبنج كدة وراجع علي طول


المهم أنا كنت هناك


وكنت بشتري كورة اديداس وكانت اخر قطعة


لسة بسأل عن السعر لقيت التليفون بيرن


مين الـ.....اللي بيكلم دلوقتي ده


لقيت واحد بيقولي بسرعة روح قدم طلب عاوزين نلعب في الدوري الانجليزي


طب وانا مالي


يا عم احمد انت مش اهلاوي


قلت ايوة ايه دخل الاهلي بالموضوع


قالي روح قدم طلب للأهلي انه يلعب في الدوري الانجليزي


وهنا بدأت الحكاية


كل الكلام الجاي بقي بالانجليزي يعني مترجم


وانا بقدم الطلب لقيت هناك بيكهام كان بيخلص شوية ورق كدة


قلتله:بيكهام حبيبي


قالي:ايه دهاحمد !!!فينك من زمان يا راجل

محدش بيشوفك ليه-كل ده طبعاً كان بالانجليزي-ازيك عامل ايه


انا قلت:انت بتعمل ايه هنا بس


قالي :ابدا كنت بخلص شوية ورق كدة وراجع امريكا علي طول...وانت بتعمل ايه هنا


قلتله:راي اقدم طلب ان الاهلي يلعب في الدوري النجليزي اصلنا زهقنا من
الدوري المصري محدش عارف يغلبنا اهو يمكن لما نيجي انجلترا نتغلب

واهو منه نلعب في دوري ابطال اوروبا


قالي:عندك حق...بقولك ايه انا عاوز العب في الأهلي اصلي زهقت من جالاكسي
الناس دي شكلهم كدة بيضحكوا عليا ومشفتش منهم ولا مليم لحد دلوقتي واهو
منه اخد بطولات بقي


قلتله:قشطة...يبقي تنزل معايا مصر وتتفاوض مع الخطيب وحسن حمدي ... دول حبايبي


قالي:ماشي


المهم انا دخلت لرئيس الاتحاد قالي:احمد انت فين من زمان يا راجل


قلتله:معلش عاوزين نلعب في الدوري الانجليزي بس خلصلي ورقي بسرعة الله يخليك


قالي:معلش والله ... روح لبلاتر ده حبيبي


قلتله:لا عادي اروحله وماله ما انا فاضي اصلي...ماشي يا سيدي بس المرة الجاية يا ريت تكون فاضي عشان مش حتعدي علي خير


انا بقي خدت بيكهام وروحت زيونخ


وانا ماشي في الشارع انا وبيكهام الناس قعدت تقول:هو مين اللي ماشي مع احمد ده


المهم وصلنا لمقر الفيفا لقيت بلاتر كان طالع بالصدفة عنده حموضة فبيجيب سفن اب كانز


قالي : الله فينك من زمان يا احمد ...يا مليون خطوة عزيزة... ومين اللي معاك ده


قلتله:ده بيكهام يا بلاتر انت نسيت ولا ايه


قالي:تسدأ فعلاً بيكهام..مش مهم..انا كنت رايح اجيب سفن اجيبلك معايا؟؟


قلتله:بس انا اللي حدفع


قالي:ماشي يا سيدي..والكابتن حيشرب حاجة...قلتلي ده مين


قلتله:ده بيكهام يا بلاتر


قالي:اه صح فعلاً ده انت لسة قايلي...بس ايه الفرص السعيدة دي


المهم واحنا قاعدين نشرب سفن قدام الكشك اللي قدام مقر الفيفا


بلاتر قالي:وايه سر الزيارة العزيزة دي


بيكهام قال:عزيزة دي تبقي....هههههههههههه


بلاتر قام قايل:لذيذ اوي الكابتن ده...ده بيكهام مش كدة


قلتله:سيبك بقي من بيكهام وعزيزة وخلينا في المهم...احنا دلوقتي عاوزين الأهلي يلعب في الدوري الانجليزي...ايه النظام؟؟؟


قالي:يلعب يا باشا..يلعب...ميلعبش ليه..طالما الاهلي عاوز يلعب في الدوري الانجليزي يبقي لازم ولا مؤاخذه نلعبه


رجعت بقي انا وبيكهام مصر وقعدت انا وهو الكابتن حسن حمدي عشان نشوف ايه الكلام...بيكهام حيلعب في الأهلي ولا لأ


معلش بقا اصل رقبتى بتوجعنى وان شاء الله اكملكم الحلقة التانية














التوقيع :

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://maxio-b.blogspot.com/
 
يوميات الاهلى فى الدورى الانجليزى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دندشة مصرية :: استراحه الفرسان Break :: استراحه دندشة :: نكات 2012 نكت جديدة نكت قوية نكات حلوة 2012-
انتقل الى: